Premier for beste drakt på torgdagen 2013

Tradisjonen tru vert det også kåra vinnarar av beste drakt både i vaksen- og barneklasse. Den som merka seg ut i klesvegen var Terje Fromreide frå Askøy som hadde tatt på seg dei beste bykleda sine, bestefaren sin game dress. No viser det seg at Terje har gått med same dressen på Torgdagen sidan han fekk dressen hjå bestefaren sin i 1978 – då var det på tide å verte heidra med premie. Terje Fromreide var å sjå på scena tidlegare på dagen, sidan han var med Askøystrilane med song og løye. Heile gjengen i Askøystrilane hadde lagt ned arbeid i sceneandrekket, og hald til tillegg spontanshow frå båten sin – Silden. Fromreide tok seg staseleg ut, og skilde seg frå dei andre, både askøystrilar og andre strilar. Han vart glad for utmerkinga, takka og fortalde historia om bykleda sine.

Det var ikkje så mange born å sjå i klede frå Gamle dagar. Vi fant til slutt Sigvald på 6 år, han var sjarmerande og fin i sin nikkers, busserull og kasjettlue. Han vart stolt og glad for fiskestonga som var premien, og vi har høyrt at stonga var i bruk i Øygarden alt dagen etter, og jammen vart det litt fangst også.

Vi gratulerer Terje Fromreide og Sigvald med premier for beste drakt, og oppmodar folk til neste år å leite i skuffer og skap gjere som dei, og ta på den gamle finstasen når ein skal på på Torgdagen til neste år!

Nils Harald Lie presenterer vinnaren av beste drakt, Terje Fromreide – prisvinnar i 2013

Askøystrilane gjorde seg bemerka på Torget, både med fin båt, fine antrekk og fin musikk

Gjengen i båten Silden hadde rekvisittene i orden, og Fromreide skilde seg ut med sin bydress

Smågutar i strileklede på Torgdagen er eit kjekt syn

Sigvald har fått låne seg ein litt stor hatt, men kasjettlue høyrer til Torgdagen

En glad og forundra smågutt som straks gleda seg til å prøve ut fiskestonga